胡定欣「后」勁凌厲：係觀眾畀我信心！

無綫台慶頒獎禮「最佳女主角」獎項是每年的焦點之一，《巨輪Ⅱ》的田蕊妮繼續是候選的中堅分子，冷門要數網民喜愛的《EU超時任務》朱千雪，但論頂頭大熱當然是成績與口碑俱佳的《城寨英雄》胡定欣，加上她連奪新加坡及馬來西亞「視后」氣勢十足。定欣接受訪問說：「《城寨英雄》刁蘭呢個角色好有挑戰性，係新嘗試，有機會拍到好開心，之前兩個頒獎禮有好成績已經好滿足，係觀眾畀我信心！頒獎禮係觀眾對你支持嘅成績表，都大概知道觀眾對你嘅支持，所以對公司頒獎禮都有信心。」

以為今年冇機會

定欣去年憑《鬼同你OT》首奪視后，現在叫胡冧莊，定欣對此輕鬆地說：「上年攞獎其實好意外，話咁快一年，再獲提名係一件好奇妙嘅事。上年攞獎嗰陣，覺得今年應該冇機會啦，雖然對刁蘭角色有信心，但覺得冧莊機會唔大，唔會咁快嘅。不過到呢一刻睇到觀眾反應，個心係定啲，希望喺公司頒獎禮都有同樣成績。」

入行14年的胡定欣默默耕耘，儲落很多觀眾緣。	去年胡定欣從黎耀祥手中奪得視后獎座。	田蕊妮演技出色，被胡定欣視為勁敵。

中途有懷疑感覺

入行14年的定欣自覺是幸運兒，很感激公司、監製一直栽培，近兩年才當女主角的她已叫胡冧莊視后，覺得是多年來儲落的觀眾緣，成就大家對她的支持。她說：「14年有人會覺得好長，自己中途都有懷疑嘅感覺，但後來覺得唔使擔心，呢個係我嘅節奏，要繼續努力，唔好令支持我嘅人失望。」提到勁敵田蕊妮，定欣覺得對方的演技毋庸置疑，與她合作獲益良多。

文：影視組

攝：李柏儒

場地：Xenter Hair Salon

髮型：Matt Chiu, AL