吳若希佗B升Cup負擔重

歌手吳若希昨日出席甜品店開張活動，是她宣布佗B女後首次出席公開活動。雖然已懷孕四個多月，但見她手腳依然纖幼，穿紅色長裙的她腹部微隆，不時用手護肚。問到佗B仍穿上約四吋高的厚底高踭鞋，她指男友沒有下禁令：「我已經成日行行走走跳跳紮，佢最驚我踎低同狗玩！」她坦言佗B後記性及反應都慢了很多，搭的士經常遺留東西，身體則肥了不少：「我依家有32吋腰，之前係24吋！（上圍有冇升Cup？）呢個直情係困擾，好唔慣，內衣全部換過晒，原來好大負擔！（會唔會影大肚相留念？）想，難得上圍同腰圍咁洶湧，但今次冇影唔緊要，因為想生多個。」