張可義婚紗晒線無懼-1℃
模特兒張可義（Emily）早前遠赴日本拍攝旅遊廣告，一嘗當日本人妻滋味，先後換上多套婚紗及傳統和服，惟當地溫度急跌至零下一度，凍到震的Emily笑言美景當前亦未能欣賞：「日本真係好凍，一到夜晚特別大風，但我着婚紗好難打底，呢幾日都係吹住風工作，搞到有少少感冒。好彩最後幾日係着和服拍攝，自己都有着多幾件打底衫保暖。」
而日本貴為結婚勝地，在如此浪漫的氛圍下，Emily亦自爆有衝動想嫁：「今次要同男拍檔扮一對新人，仲要喺咁浪漫嘅地方，好sweet咁影結婚相，所以自己都有幻想到時結婚會係點，婚後嘅生活又會係點，愈諗愈有衝動想結婚，哈哈！（想去外地結婚？）影結婚相就OK，反而婚禮想一切從簡，最緊要都係同自己鍾意嘅人一齊！」