唐紫睿手作仔sell心思

藝人唐紫睿（Hazel）日前到了製皮工作坊親自打造皮革手機殼，自參加ViuTV真人騷節目《G-1格鬥會》勇奪拳王後，她一直以打女形象示人，別看Hazel粗粗魯魯，其實擁有一顆少女心，她坦言：「朋友都知我係一個粗枝大葉嘅人，坐喺度花五至六個鐘整，其實我冇乜耐性。不過呢個年代，一千、幾百買唔到啲特別嘅禮物，手作反而仲有紀念性。」Hazel還花心思地在皮革上印壓了「H」，及代表圈外設計師男友Louis的「L」字，留下愛情烙印。

期待最感動一刻

雖然早前Hazel曾單方面宣布與Louis分手，但二人緣分未盡，又再次走在一起：「拍咗一年幾感情好穩定，又經歷過熱戀、冷靜期再復合，大家已經認定咗對方。」Hazel笑言Louis在去年的情人節花盡心思，驚喜包電車兼送閃爆鑽戒，如今年沒有浪漫節目就會感到失望：「不過我唔擔心，佢一向係個浪漫又有心思嘅人。」提到兩人是否已有共識結婚，Hazel坦言等待最感動的時刻：「相信係女仔都會幻想自己嘅白馬王子係點，點向自己求婚，我期待緊最感動嘅moment。」

Hazel和Louis歷盡離合，終認定對方。	Hazel雖然話自己冇乜耐性，但在導師指導下都整得有板有眼。	Hazel在皮革上印壓了代表自己和男友的「H」和「L」字。

場地提供：Own's Leather

文：馮雪怡　

攝：張福宏