關宛珊有拖拍日本還神
無綫藝人關宛珊（Kimmy）早前趁生日到日本大阪旅遊叉電，其中一個重要行程是到戀愛石還神，她笑說：「早幾年同朋友嚟過，去咗間寺廟，相傳合埋眼一直行，摸到另一邊嘅石就好快有姻緣，我成功咗，真係好快有拖拍，所以今年返嚟還神，講聲多謝！哈哈！」
她還趁機到奈良睇鹿仔，由於她的姪女早前餵鹿時被嚇親而大叫「白癡鹿」，Kimmy故意拍片模仿，怎料當她大叫「白癡鹿」時，竟有Fans認出她並要求合照：「有廣州朋友認得我有份拍《愛．回家之八時入席》，好開心有觀眾認得我，但呢個時候就有啲尷尬！」
