崔建邦周身傷擂台玩命

現年37歲的無綫藝人崔建邦（Amigo），將於1月中參加一個大型拳賽，其實他早於18歲便開始打西洋拳，更參加過多場業餘比賽，但22歲便沒有再打。是次備戰比賽，他直言最難熬的不是操練過程，而是周身傷！

之前Amigo心廣體胖，高峰期體重更達160磅，不過自4月開始操練後，已減了足足廿磅，他說：「其實一直個心都有個希望，以前冇乜點盡力，依家年紀開始大，機器開始壞，想完成呢個夢想。（之前肥好多？）可以話係闊太階段，一個星期最多打一次籃球，所以4月開始操練時好辛苦，用咗兩個月先至適應、習慣到做運動。」

女友擔心

下星期他便會出發到菲律賓，跟拳王訓練3個多星期：「依家好似返學咁，每日我都會嚟，跑步一個鐘，練拳兩個鐘，之後去菲律賓都會地獄式訓練，一日要操三堂，操足三個幾星期！」

每日接受地獄訓練的崔建邦，體能已重上軌道！	崔建邦未戰先傷，但仍要繼續操練，非常折磨！	崔建邦打擂台，女友「野人」當然擔心。

Amigo跟林珊珊女兒李怡（野人）蜜運中，問到女友是否支持他參賽，他笑說：「好多朋友知我打比賽都好擔心，擔心我就快『四條』，仲得唔得！（你哋關係如何？）大家相處咗一段日子，幾好。（有冇壓力？）我只係對比賽有壓力，晚晚都瞓唔着，諗點樣反擊，真係好緊張！（女友緊張受傷？）我阿媽、阿爸緊張啲，以前佢哋唔會嚟睇，驚見到我受傷，佢哋都話唔會睇。（女友呢？）唔知喎！不過好多朋友都話好想睇！」他坦言現時最大的困擾並非操練，而是傷痛：「真係好辛苦！腰、左右手腕、胸肌都拉傷晒，又痛又唔可以停訓練，呢樣係最折磨！」

文：影視組

攝：劉智源