張秀文傅嘉莉「星球」大戰

藝人張秀文、傅嘉莉、洪永城、唐詩詠與朱晨麗等四十多位藝人前晚出席由無綫Ad fun贊助的《俠盜一號：星球大戰外傳》首映禮，擔任司儀的張秀文大晒三吋事業線，十分吸睛，傅嘉莉亦不輸蝕，身穿胸前閃電式deep V裙，性感度爆燈，搶鏡非常，二女頓成焦點！而有份演出的甄子丹迷倒外國Fans，大讚他打得型到爆！

張秀文是否想以性感搶鏡？她說：「要打破大家嘅迷思，呢啲衫買嗰陣見到Model着得骨感，好靚，但我着就變成肉感，唔好歧視身材好嘅人啦，我唔係刻意性感。（會唔會擔心被龍友『高炒』影相？）我貼咗無窮無盡嘅膠紙！」談到她的性感程度「胸贏」傅嘉莉，她則謂各有各靚。

洪永城紅地氈失禮

與女友唐詩詠同現身首映禮的洪永城，沒有一起行紅地氈，他單拖排頭位出場，朱晨麗緊隨其後，原來兩人本被安排一起行紅地氈，只是洪永城「蝦碌」先行，事後他笑說：「我太失禮，冇風度，要同朱晨麗道歉，原先公司安排我同佢行，但唔知邊個推咗我出去，我以為鬥快行完紅地氈有禮物！」

甄子丹演盲眼武僧，一個打十個。	洪永城夠膽飛甩女友唐詩詠，單拖先行紅地氈。	一班藝人前晚出席新片首映。

至於在《俠》片中飾演盲眼武僧「智刃嚴」的甄子丹，戲份不少還很搶戲，由地面打到上宇宙，令不少外國粉絲睇完都大讚有型，指盲都可以一個打十個「白兵」！

文：影視組