林師傑為10蚊鬧爆的士司機
藝人歐陽巧瑩和男友林師傑感情穩定，前日是兩人拍拖兩周年紀念，歐陽巧瑩在社交網上載食飯慶祝相晒恩愛，並留言：「咁就兩年了！多謝你給我幸福，無論在公在私，我們都一直互相支持配合，好感恩有你！」原本兩人盡慶而歸，但事後林師傑卻為10元的士錢，在網上鬧爆的士司機沒起錶，亂收車資兼超速駕駛。
林師傑嬲爆將司機的士證上載社交網站，留言：「你自己唔記得起錶，Call上台問車費幾多，的士台覆你120蚊，你話要收130蚊，跟住開大冷氣，踩油超速駕駛，落車仲叫我做人要有良心，畀說話我聽……我唔投訴你就真係良心過意唔去。」事隔兩小時，歐陽巧瑩亦都在Instagram發千字文力撐男友，當中夾雜粗口語句。