無綫創新「大台網」吳業坤廁所騷搶灘

無綫繼今年推出「myTV SUPER」、短短八個月吸納逾200萬用戶後，將於明年4月23日推出跨地域、跨媒介的全天候嶄新媒體「BigBigChannel」大台網App！這個每年將耗資1億元運作的嶄新平台，讓用戶可透過手機及電腦，與藝人進行各種互動，體驗前所未有的上網與追星樂趣。

「大台網」主打網劇外，還推介「藝人直播室」，給予藝人透過直播搵外快的機會，內容更無遠弗屆，藝人除了可借拍劇埋位空檔直播搞笑對答外，還可以舉行「另類演唱會」，供用家以4.8元、6.8元及9.8元等三種不同價錢，從遠、中、近三個不同距離欣賞，猶如身在現場睇演唱會一樣，坐「山頂位」還是「握手位」任你揀！

特設「畀花」功能

期間，用戶可透過程式的「畀花」設定向偶像「送花」，別睇小這一個幾毫，皆因「大台網」用戶遍布全球，瀏覽量將兌換成Show錢計算，換言之愈多瀏覽意味藝人有愈多拆帳收入，隨時集腋成裘，少則買車，多則買樓！

大肚嘅吳若希暫時做觀眾，生完先嚟個露台Show Time。	林盛斌與麥美恩反串演出，示範如何用好橋來Sell「大台網」。	放大圖片

「另類演唱會」消息一出，不少歌星、演員舉手參與，當中包括吳業坤、鄭俊弘、黃心穎、王浩信與近日在家養胎的吳若希等，透過不限地區與空間直播歌聲與觀眾分享。吳業坤笑言粉絲想睇他在廁所開騷不是夢：「我想喺廁所或者房開騷！任何新嘗試都係好事，轉變吓個固有模式，做音樂多個渠道令收支平衡，仲可刺激經濟！」黃心穎同樣有此瘋狂想法，笑言希望在浴室開騷：「貪個空間細細哋、回音夠大，好好聲o架！咁當然唔會沖住涼嚟唱啦！我啱啱喺馬來西亞登台，反應都幾好，激發起我要更進步，依家會搵番個結他出嚟，自彈自唱練吓歌先！」

黃心穎登完台信心爆棚，自言將積極備戰Ready開直播騷。	鄭俊弘有意到維園直播唱番幾首，夠晒「自然」。	唱過歌嘅王浩信聽到消息甚有興趣，舉定手報名。

吳若希大住肚都玩

至於吳若希認為自己雖然肚凸凸，一樣可以睇直播演唱會：「有個咁新穎嘅App都幾好，起碼我大肚冇嘢做，可以喺屋企Hea住睇！（如果你想開直播騷會喺邊度？）我會揀屋企個露台！唔單只畀大家聽到Live騷，連我鄰居都可以聽到，希望樓上唔好掟嘢落嚟就得！」鄭俊弘則打算隨手拿起結他就直播唱幾首歌：「好似Mini Concert都幾得意！如果畀我揀，好似喺維園都幾特別，直接『送花』仲可以有個Direct嘅鼓勵。」

精於製作無綫綜藝節目的幾位「大台網」大腦指揮人物余詠珊（助理總經理）、杜之克（副總經理）與陳旭亮（製作部助理經理）等所組成的籌委會，月前已物色加拿大、韓國、日本的地區Blogger精英，明年1月初更會開始於本地面試，讓終日抱怨「社會沒有向上流動力」的年輕人，找到以才華換取財富的契機。林盛斌與麥美恩早前各自分飾兩角，反串演出示範如何用好橋來Sell「大台網」。

文：影視組