張惠雅學中醫搵老竇試針
自組合HotCha解散後，三位成員各有發展，張惠雅（Regen）除了幕前工作外，更修讀中醫課程自我增值。對中醫愈讀愈有興趣的她自爆為學針灸而克服打針障礙，更膽粗粗找父親試針來紓緩其肩周炎病情，她坦言有意放棄幕前，全職讀中醫。
藝人張惠雅（Regen）、林奕匡（Phil）、羅孝勇、鄧穎芝、組合ReVe及sp'ACE昨日現身工展會，出席「健康生活大學堂」活動。Regen透露出道至今每年都會參與工展會的活動，亦有叫家人前來掃貨兼支持自己。提到有份參與的無綫綜藝節目《我愛香港》最近拍攝完畢，她感慨地說：「細細個就睇《獎門人》，其實原來依家係做緊以前細個一直好想做嘅嘢。」
克服「怕打針」障礙
現時有修讀中醫課程的Regen表示昨晚有考試，又笑言中醫有很多古語，但自己中學時期背默都捧蛋，故現時能用心讀中醫已是很大挑戰。此外，一向怕打針的她因為要學針灸而克服障礙，搞笑指以前打針會嚇到暈低，但現時已學會幫父母針灸：「佢哋有病都唔會睇醫生，爸爸有肩周炎，我會幫佢針灸，雖然只係紓緩病情，但幫到佢已經好開心。」問到日後可會向中醫進發，Regen直言有意全職讀中醫。
羅孝勇唔知周志文緋聞
同場的羅孝勇透露正為ViuTV拍攝音樂比賽節目，與小肥、吳浩康及樂隊Mr.主音Alan齊齊入到四強。問到對比賽可有信心，他表示沒有太大期望，因今年回復自由身，這已是很大鼓勵，又指父母會由澳洲返港睇比賽：「新歌係想送畀父母，到時比賽會唱。（女友呢？）佢應該會感受到啲愛嘅。」提到有報道指好友周志文介入導致蔡思貝分手，他表示不知情。
另外，明年2月開騷的林奕匡昨晚宣布，演唱會加開2月9日一場，即總共三場。身在外地的家人亦將返港捧場：「依家屋企人都日日打電話催我買機票喇！」
文：音樂組
攝：張福宏