王君馨打到嘔龔嘉欣喊出信心

王君馨（Grace）及龔嘉欣於今年台慶頒獎禮獲提名為「最佳女配角」，分別憑「慘情打女」花曼及「爆喊大婆」程思汝而被睇高一線！Grace憶述為演活劇集《城寨英雄》花曼一角的辛酸史，包括束腰數月至20.5吋腰、拍打戲前捱餓、甚至拍到入醫院等。她說：「我未發育前都21吋腰啦，我有時真係抖唔到氣，食嘢又頂住個胃。有次拍打戲一食飯就會嘔番出嚟，所以不停飲可樂提神。我拍完即刻入咗院，原來喉嚨同個胃都發炎。」

曾患抑鬱症

入行九年半的Grace坦言入行初期不適應環境而患抑鬱症，其鬼妹仔的熱情竟被批評作狀，但花曼一角令她重拾自信，故渴望得獎以證明努力沒有白費：「我真心唔知幾時會有下一個花曼，經歷咗花曼呢個角色令我成長，無論前一晚我喊咗幾多，幾想放棄都好，一着上戲服就要變得好自信。」有了代表作的她決定下年結婚，覺得婚姻不會妨礙事業，但希望遲幾年才生B：「我發覺依家先開啟演員嘅世界，我想一路進步，所以希望遲多幾年先有BB。」

王君馨憑花曼一角走紅。	龔嘉欣坦言拍喊戲很辛苦，但慶幸獲得觀眾讚賞。	放大圖片

演技未完美

至於入行八年的嘉欣憑於劇集《幕後玩家》的出色喊戲被觀眾力讚，她自爆為此喊到眼皮都損埋：「直頭喊到眼痛，可能眼淚太鹹。」雖然被讚喊得淒涼，但嘉欣謙稱仍未夠完美：「我覺得爆喊嗰幕做得最差，因為喊到唔係好講到對白，所以之後見大家討論都覺得感覺唔真實。」談到她與Grace被視為女配大熱，嘉欣說：「每個演員都有優秀嘅地方，冇得比較。我一定要對自己有信心，因為做事冇信心會令工作做得唔好。」

文：影視組

王君馨化妝及髮型：Stephen Lai、Jamie@Hair

服裝、鞋履、首飾：Karen Milen、Louboutin、DearestGrace