RubberBand有「神」秘人撐開騷
樂隊RubberBand（RB）自資的三場演唱會前晚假旺角麥花臣場館揭序幕，歌迷反應熱烈，RB唱至11時許超時完場，還吸引不少圈中人捧場，包括神秘現身的陳奕迅（Eason）、楊詩敏（蝦頭）及男友、小肥與模特兒蔣怡等，主音6號的填詞人太太Tim更首度上台跟老公合唱。
RB成員阿偉昨日受訪時坦言估不到連「歌神」Eason都捧場：「雖然我哋都識Eason，但身份距離太遠，唔敢叫佢嚟睇！好在我唔知佢在場，唔係就一定好緊張，仲有我嘅女神蔣怡都有嚟！（成員阿正嘅太太黃淑玲就嚟做歌手，兩夫婦會上台唱歌？）未知，或者尾場會。」阿偉又指今次自資費用約6位數字，雖然沒有大唱片公司支持，但強調製作費沒有縮減：「唱片公司都唔會無限支持你！如果演唱會自己話事，我哋寧願賺少啲或唔賺都可以，用啲錢放喺製作度！不過今次冇蝕仲有賺。」
