千嬅浸水40秒險死獲救爆喊
【陳栢宇澳門直擊】藝人楊千嬅、余香凝與廖子妤等前晚亮相澳門國際影展，擔任嘉賓的千嬅自爆近期拍新片一場浸水戲時感覺似足自殺，拍畢即爆喊的她又踢爆冇獲導演買保險：「我同佢講我會隨時死亡！未試過聽唔到Cut機，好似自殺！」
藝人楊千嬅、余香凝（Jennifer）與廖子妤等前晚亮相《第一屆澳門國際影展暨頒獎典禮》，擔任表演嘉賓的千嬅透露此行來去匆匆，因忙於拍攝新片《春嬌救志明》。她自爆日前拍攝一場浸水戲份時拍到崩潰爆喊，直指拍攝時感覺會隨時冇命：「我要浸喺個缸入面，我又唔識潛水閉氣，但導演要我浸3、40秒，我同佢講我會隨時死亡，佢話就係要呢個感覺！」
爆導演冇買保險
雖然如此危險，但千嬅指導演原來冇幫她買保險：「佢話拍戲唔係好危險，結果我浸咗兩個鐘都克服到，仲要笠住兩個密實袋，未試過拍完聽唔到Cut機，好似自殺感覺！攝影師見我唔對路就即刻拉我上嚟，我係喊到收唔到聲，但又好有滿足感。」已屬影后級的她直言望事業再闖高峰，再嘗當影后滋味：「獎不嬲都鍾意，對自己好坦白。」
余香凝美食慶功
同場的Jennifer憑《骨妹》奪得「最佳新進演員獎」，首次演出電影的她在台上發表感言：「我依家可以大大聲講我係一個演員，我想演到老！」事後，Jennifer與拍檔廖子妤留在酒店房擦番餐當慶功，坦言上台領獎時緊張到手痹，亦忘記多謝不少人。廖子妤則笑言多得對方得獎，令自己可以解放胃口食大餐。
文：影視組