姜麗文呻Daddy嚇走追求者

姜麗文（Lesley）、吳家麗與黃百鳴等前晚出席電影宣傳活動，其中Lesley坦言恨拍拖，可惜現時毫無進展，她搞笑指異性被爸爸秦沛的「威名」嚇跑：「香港男仔唔會主動追我，佢哋話我幾Nice幾靚女，但『洪爺』（秦沛在電影《賭聖》的角色）個女都係唔好搞！又話我爸爸講過『有殺冇賠』、『你大我呀』等。（追求者入晒戲？）係囉！我至少聽過7次有男仔咁同我講！其實我爸爸好Nice！」明年1月便31歲的她自言已單身3年，但不敢嘗試Speed Dating或用App識男仔。