祖兒以為執筍Job 表情交戲做到抽筋
天后容祖兒日前拍攝新一輯百老滙廣告，今次廣告會以三維攝影技術將祖兒真人數碼化，再以3D列印技術製成高清真人模型，而大部分場景將以真人公仔模型拍攝，祖兒得知後笑言接到「筍Job」。但到真人掃描當天，導演指導她做出數百個不同喜怒哀樂的表情，祖兒笑言：「我已經畀到盡，塊面開始有啲抽筋，我要收回『筍Job』言論，原來靠面部表情交戲好有難度！」
真人公仔模型誕生後，眾人大讚像真度高達99.99%，祖兒則笑言應該幫公仔換上激凸身材。廣告內祖兒的「替身」公仔不但要逃避壞人追殺，還有飛車追逐場面，祖兒大讚公仔令她化身動作女星。另外，祖兒在社交網上載了廣告拍攝花絮，除了有一同拍廣告的林雪、杜小喬外，早前患上大腸癌、一直休養中的鍾景輝亦有出現，只見他面色較灰暗及有點聲沙，惟精神不錯，為廣告配音時亦中氣十足，據知他康復進度理想，近月開始復工。
