林泳淘餵奶掃風錫晒小霸王

無綫藝人林泳淘（Wingto）11年前開始飼養愛貓奧奧，由當初家人反對，最後被奧奧的可愛樣融化，直到現在牠依然是家中的寶貝，Wingto說：「當初喺石澳發現奧奧時係一隻出世冇耐(口既)BB ，開頭養佢好多嘢做，四個鐘餵一次奶，又要掃風，好似湊BB咁，嗰陣屋企人覺得養寵物責任好大，寵物比我哋早離開，唔想面對，不過見到奧奧好可愛，行行吓會跣親，就心軟畀我養！」
林泳淘同奧奧的關係似足情人咁癡纏。
林泳淘同奧奧的關係似足情人咁癡纏。

Wingto笑言與奧奧的關係就像情人，做任何事她都會覺得好冧：「返工出門口見到佢呆咗咁望住我，就唔捨得出去，每次我一夜返，佢就唔瞓覺喺廳等我，喺屋企我行去邊佢就跟去邊，真係好得我歡心。」為確保奧奧的地位，Wingto打消養其他貓的想法：「好多時我帶佢去朋友屋企見其他貓，佢會好激動好嬲，佢不嬲都好冷靜，可能慣咗稱霸稱王，接受唔到其他貓霸咗佢地盤，所以喺佢有生之年都希望淨係錫佢一個。」

林泳淘唔養其他貓，確保奧奧在家中的地位。
  • 林泳淘唔養其他貓，確保奧奧在家中的地位。