歐陽妙芝疑細仔患睡眠窒息症

名模歐陽妙芝前晚帶同細仔方玉亨欣賞音樂劇，同場還有藝人張頴康與太太麥雅緻及女兒、張崇基一家三口等。妙芝自爆母子均抱恙，但說因兒子熱愛卡通人物，故仍帶病撐場。提到兒子身體不適，妙芝說：「細仔一向偏食，我佗佢時都唔食菜，唔知關唔關我事，佢依家見到綠色嘅菜就驚。」她又懷疑細仔患上睡眠窒息症：「佢成日發噩夢，有夢遊，因為佢爹哋都有夢遊，我會正視呢個問題，聖誕假期會check清楚，但仲未check，佢已經周圍同人講自己有睡眠窒息症，搞到啲老師都嚟問我。」她說陪細仔睡覺往往令她睡不安寧，感覺做父母精神壓力大。