熊黛林大手掃聖誕禮物

新婚名模熊黛林,昨日撇甩老公,傍晚時分在助手陪同下現身中環行名店,做了幸福人妻的她出手闊綽,於名店購下不少戰利品,步出時遇上記者,她友善地揮手說:「我買聖誕禮物呀!(買畀邊個?)主要都係公司同事。」問到有否買禮物給老公時,她難掩一臉甜絲絲,笑說:「呢個係秘密,留番啲驚喜嘛。(有冇開始造人大計?)都係一個先,(奶奶有冇畀壓力?)冇,順其自然。」她隨即開心地往取車離開,急趕去會合老公撐枱腳。