SG聞5位數飯局價：點止呀！

組合Super Girls（SG）、鄭欣宜、鄧小巧及劉威煌前晚出席宣揚廉潔香港音樂會，穿上打歌服的SG以壓軸嘉賓身份出場，載歌載舞掀全晚高潮。上月完成演唱會的SG透露，雖然騷後有加人工，但收入比去年少，隊長Aka說：「加咗都有三成，不過今年經濟好差，大家收入都比上年少，我哋都要積穀防饑，因為話2017年個市仲差。」

想知自己身價

SG憑青春活力深受廣告商垂青，問到有否受過金錢利誘？隊長Aka起初以「我哋冇嘢值得畀人利誘」回應，但問到有否收過飯局邀請時，成員Jessica大方說：「曾經收過inbox問搵我工作可以搵咩人，叫我畀經理人電話佢，當撳入去睇佢個網頁，入面全部都係啲女仔不雅照，同埋寫住內地富商介紹，當然冇理佢啦。」有「冰山美人」之稱的Yanny笑說：「其實都想知自己嗰價。」記者笑言可能得五位數時，SG齊聲說：「點止呀？」

晒線做運動

聖誕將至，問到五女有沒有約異性？SG說：「有呀，約咗四個男仔，就係C AllStar，我哋年年都會約埋一齊過聖誕。」另外，成員Heidi及Aka昨日分別在instagram上載做運動短片，穿上運動Bra襯長褲的兩人，做出多個高難度動作，期間Heidi一度露「微波」，相當吸睛。

文：音樂組

攝：張福宏