吳業坤錢搵錢秘密開西裝舖

「屋邨新人王」吳業坤（坤坤）一直以來形象夠貼地，所以深受大眾喜愛。捱足5年的他今年初終於成功彈起，演出、廣告代言等工作接踵而來，身價暴升不少，為他帶來豐厚進帳。不過屋邨出身的他未有因此而變成大花筒，反而貫徹低調作風，繼續在人前扮窮，更暗地裏將所賺到的錢用來投資副業，實行錢搵錢！

叫黃千庭落舖揀戰衣

其實坤坤於2014年已初嘗做老闆的滋味，與同為「巨聲幫」的藝人陳國峰合資開設食肆「巨二拉麵」，而今次他選擇向服裝業發展，成為繼蘇志威及孫耀威後，再創立西裝店的藝人。坤坤好友兼創作歌手黃千庭昨日接受電台訪問，提到要挑選戰衣出席樂壇頒獎禮時，就大爆坤坤近日開設西裝店：「近排佢開咗間西裝店，佢都有叫我去睇。」

尖沙咀插旗試業中

記者聯絡坤坤查詢時，秘密再次榮升老闆的他明顯不欲透露太多，只表示投資的西裝店位於尖沙咀的百利商場，他說：「暫時係試業中，好快會開業，遲啲再講，到時會再邀請大家。」百利商場入面有眾多與婚慶有關的商戶，而坤坤的西裝店在地庫層的當眼位置。若果坤坤親自做生招牌的話，相信以其人氣定能招徠不少生意！

吳業坤在尖沙咀一個商場內開舖，仍在試業階段。

黃千庭

文、攝：音樂組