珍妮花繼演變態波士後，今次升呢做CEO，但仍為難搞「腦細」，要挾同事搞好業績，否則打爛大家飯碗，其騎呢弟弟兼下屬T.J.與醒目拍檔Jason度出絕世好橋，搵埋客仔及公司上下開癲喪聖誕P狂歡，於公司「堅打成一片」，試圖玩出血路！
打工仔狂想曲
出道多年都未打過Office工的珍妮花，處女開「辦公室P」，與瘋狂的T.J.及Jason狂爆肚盡晒默契及火花，打造出1,800句對白與啜核金句，演活不少打工仔想像過、甚至未敢想像的抵死情節，監製Guymon Casady還自爆部分場面來自真實故事，要幾爆有幾爆！