李克勤生日食煲仔飯

李克勤前晚為無綫慈善節目錄影,49歲正日生日都要開工,他笑說經常如是,星期日已提前與小朋友食飯慶祝,囝囝送他一張賀卡。至於如何與太太盧淑儀慶祝?克勤說:「尋晚突然想食煲仔飯,就揸車去大埔食,男人的浪漫,食個煲仔飯,冇乜所謂。(盧淑儀送咩禮物?)貼身嘢!梗係鍾意。」平安夜克勤要到上海演出,之後會帶小朋友到外地滑雪旅遊。