李家鼎譚玉瑛煮嘢「一言九頂」
資深藝人李家鼎及譚玉瑛為主持的飲食節目《阿爺廚房》宣傳， 兩人即場炮製金蠔，鼎爺大晒超強刀功，切出超幼細的陳皮及薑絲！他說：「高層知道我原來識煮嘢，就畀我呢個傻佬試吓，阿譚係好幫手，佢煮嘢食都有紋有路，兩個人搭檔最緊要有交流。」現場兩人不時針鋒相對，鼎爺說二人在節目內經常互窒：「我哋係冤家！前世係男女朋友！ 」譚玉瑛笑說：「我鍾意有頭髮o架！」鼎爺說：「你激到我甩晒頭髮呀！」
譚玉瑛指今次跟鼎爺合作獲益良多，顛覆她煮中菜的概念，鼎爺大讚一眾幕後工作人員夠勤力，所以沒有鬧人及爆粗，譚玉瑛即笑他忍得辛苦。