余文樂情緒起伏唔靠拍拖減壓

影星余文樂、方皓玟及新進導演黃進前晚到尖沙咀為電影《一念無明》優先場謝票，問到觀眾看後的反應如何？樂仔笑說：「冇乜聲囉！場場都係咁！因為套戲太Sad。（觀眾問咗你啲咩？）都係問點解我哋咁投入演出，一般人未必知我哋情緒起伏好大，有時精神出現咗問題都唔知，但唔好覺得自己係黐線佬，呢啲係都市病。（拍吓拖？）又唔可以咁用嚟減壓o架喎，拍拖冇得夾硬嚟，拍得唔開心可能仲衰咗！」好友楊千嬅前晚驚喜到場，見到有大批記者即嚇了一跳，笑言只是來睇戲。