龔嘉欣靠喊執近百萬
最近憑劇集《幕後玩家》人氣急升的藝人龔嘉欣（Katy），飾演苦情大婆被老公黃宗澤連番傷害，爆喊戲獲網友激讚，更成為今年最佳女配角大熱，工作量大增頻頻出show的Katy，昨日27歲生日到灣仔出席餅店活動，以近七位數字酬勞續約代言人三年，更獲餅店送上女配角獎座造型蛋糕，預祝她攞獎，眼淺的Katy感動得再落淚！
恨買安樂窩
Katy稱平日愛吃麵包，早上會輪流跟同屋主姚子羚焗製麵包齊齊食，非常Sweet！問到還想做甚麼產品代言？愛哭的Katy笑言要代言紙巾，又想為食品拍廣告。她坦承最近人氣升促成這次續約，酬勞更加碼接近七位數，更揚言若攞獎會有更多搵錢機會，目標盡快置業：「希望自己有個安樂窩！（目標幾多年？）如果攞到獎咪快啲囉！（Dream House係點？）冇乜要求(口架)！細細哋都OK！總之都叫自己嘅安樂窩。」
屋企人力撐
Katy表示生日要工作，但前晚已收到很多前輩及同事祝福，最感動是父親及嫲嫲來電祝賀，Katy眼濕濕說：「屋企人話我得到咁多認同，好戥我開心，如果我真係得獎會將獎座送畀爺爺、嫲嫲。」
文：影視組