歌手許廷鏗前晚於灣仔出席歌迷聚會，他喜歡跟歌迷近距離接觸：「我啲歌着重歌詞嘅心靈交流，所以都想聽吓歌迷嘅反應。」廷鏗指正準備戰衣，迎接年底的樂壇成績表。
問來年會否考慮嘗試演戲？許廷鏗表示：「怕自己未夠能力，但之前我喺首新歌《痛醒》個MV度，就有段連自己都被感動到嘅演出，首歌講被情人背叛嘅話，應該隻眼開隻眼閉定斬纜？我細個都有試過被第三者介入，嗰時我選擇理性斬纜，可能同我讀理科有關。」
