蔡少芬受老公所累頻食NG

蔡少芬（Ada）、林欣彤（Mag）、張文慈（Pinky）等昨日齊為無綫新劇《老表，畢業喇！》開工，回歸娘家的Ada，以往開工均日以繼夜，今次卻因劇情有很多支線發展，令她有休息時間：「真係幾感恩，尋日（前日）可以休息一日，咁啱老公張晉又喺澳洲返嚟，成家就去咗淺水灣沙灘玩成日，真係好需要家庭樂，啲女成日投訴我哋出去做嘢見唔到佢哋。」

關心郭晉安健康

由於老公也要為電影開工，湊女重任交由三姨婆負責，她指學校給予很多勞作功課，有些更要家長協助，但她卻相當享受。她指今次與老中青演員合作愉快，問到拍攝時多NG嗎？她笑謂：「都多，成日忍唔住笑，一聽到叫我名『張晉強』就忍唔到笑，同埋入面又多無厘頭對白好搞笑，好期待出街反應。」

張文慈與無綫簽約兩年，之後還有兩套劇集要拍。	張晉	陳嘉佳（左起）、蔡少芬、張文慈、林欣彤及吳沚默不分輩分，齊齊賣萌。

雖然與同劇郭晉安多年沒有合作，但Ada也有留意其新作《致命復活》，她謂：「我有關心佢身體狀況，睇新聞話佢拍套劇時好大壓力，又差啲抑鬱，不過佢喺呢個圈咁多年，信佢會識得調校。」對於老友陳法蓉與梁小冰的不快事件，Ada認為事情已過去，不欲再談論。

張文慈自毀形象

而首度接拍無綫劇的Pinky，透露劇中演蔡少芬從小到大的同學，但兩人卻不咬弦，她笑指為配合喜劇已豁出去，不再賣弄靚女形象，也會以殘樣上陣。至於同是處女下海的Mag，表示開工至今一個月已適應，對於該劇班底以搞笑為主，Mag笑指招架不住：「忍唔到笑，同陳嘉佳、 BabyJohn多對手戲，大家輪住NG！」

文：影視組