萬綺雯病到聲沙啱Timing
藝人萬綺雯（蚊蚊）新劇《致命復活》中，夾在失蹤10年的老公郭晉安，以及為自己付出一切的黃德斌之間，十分為難！劇中有不少喊戲令蚊蚊心情沉重，期間更患上重感冒，連續失聲3次！她說：「當時諗如果聲真係唔得就配音，但擔心感情戲好難配番嗰刻嘅情緒出嚟，不過第一集喺醫院見番安仔野人Look嗰場戲，監製話反而沙聲仲好，仲笑我話『拆得好』！」
談到在越南拍攝的追逐戲甚有電影感，蚊蚊說：「跑咗幾日，去咗好多景去跑，要食兩個飯盒先夠飽！」劇集播出後全城緝兇，究竟誰是害安仔被困10年的終極Big Boss？蚊蚊繼續賣關子：「一講就穿o架喇！只可以講係好多人有份參與，我嘅下場好過德斌。」對於被推舉攞視后，她表示以平常心看待，但希望安仔再奪視帝！
