蝦頭手指塞口幫邵子風拔牙罅魚骨

楊詩敏（蝦頭）的搞笑功力相信大家都領教過，今次她再透過其個人社交網站再獻新猷，教大家如何做一個奮不顧身的女友。話說楊詩敏與男友邵子風愛得癡纏，有日，邵子風同楊詩敏在茶餐廳食飯時，邵子風不慎被魚骨插在牙縫，用牙籤撩極都撩唔出，相當苦惱。邵子風竟然拎住女友蝦頭右手當箝咁用，將女友隻手塞入自己個口，仲叫女友先放鬆，等到指示後先用力夾實手指，結果不消一會，蝦頭成功將男友牙縫中的魚骨箝了出來，全場人(依)嘩鬼叫嘖嘖稱奇。即係咁，要做一個全面女友，除咗體貼之外仲要識得貼地，貼地到要不顧儀態在大庭廣眾為男友效力，結果係點大家睇片。