杜汶澤舊愛顏仟汶情緒病搞離婚

曾演出多套三級片的顏仟汶（Sophie），與於2008年結婚的圈外人老公阿Lo一直相親相愛，兩口子在西貢互相扶持齊心經營餐廳，可謂模範夫妻。可惜好景不常，本報記者最近得悉她早前搬離西貢愛巢，更拍到她已經獨自搬進錦田居住，疑似因復出令兩人感情生變。她接受專訪時坦言雖然仍未與對方正式簽字離婚，但雙方已經踏入分居狀態個多月：「絕對唔關我工作事，有朋友都覺得我拍番戲、圈子唔同咗而同先生分居，但係我想講我識我先生時，我比依家出名好多倍！」

爆喊講婚姻如鞋　「啱唔啱着自己知」

當Sophie回想與老公自拍拖一起度過的16年光陰，便開始哽咽，愈講愈激動的她更淚如雨下，指雖然感恩對方一直以來默默支持她，但兩人感情始終難以向外人道：「我選擇分居係因為我覺得同佢去到樽頸位，我唔想再惡劣落去，所以我提出分居。（有冇第三者？）好肯定冇。（有冇彎轉？）冇人知道聽日會發生咩事，但好想有個空間，令大家清楚自己有幾需要對方。有朋友好明白我，話『對鞋係着喺自己對腳度，啱唔啱着得自己知，最重要係行得舒服』。」

顏仟汶

放大圖片

一頭短髮的Sophie看似硬淨前衞女性，但她指自己其實是對人歡笑背人愁，更自爆已服用情緒藥兩年，一日一次，但早前因工作忙而試過斷覆診、斷藥。雖然情況漸見起色，但在錦田獨居時仍然感到寂寞，悲傷情緒不時油然而生。

被撬牆腳　冇嬲田蕊妮

談到她曾於1998年與杜汶澤相戀，卻因為田蕊妮介入而分手，問到現時會否嬲女方做第三者？她表示早已放下：「嗰陣時都冇嬲過田蕊妮，更何況依家，亦唔覺得杜汶澤對我唔住，因為知佢已經唔愛你，十幾年前嘅事，咩都淡化晒啦！」

入行27年的Sophie試過拍無綫劇捱到肝炎，亦試過為生活做接待員，更試過因為幫雜誌影性感相，簽約後短短10個月被亞視炒魷魚，演藝路上可謂一波三折。無奈要向生活低頭的她，當年不幸得悉父親患上食道癌，需要籌措醫藥費，適逢王晶和李兆基找她接拍三級片，她只好答應：「個數字好吸引，我細佬妹仲細，但唔可以賴屋企人，係我自己冇計劃過。（有冇後悔？）其實我希望時間可以倒流，去番我中一時，畀心機讀好啲書，唔入娛樂圈。」

曾為家庭而「獻身」的Sophie在訪問中邊哭邊說幸好父親身體比起以前好好多，細妹已出身之餘，細佬亦大學畢業，總算鬆一口氣。拍過一套三點盡露、四套露兩點三級片的她表示前後參與過半百套三級片的演出，更謂就算再拍三級片也不介意。雖然現時已經46歲，但其32C導彈卻零漏氣迹象，即使穿起水着亦絕不比其他少女輸蝕。

文：影視組