「小公主」反轉屋企 艾美琦同狗仔互恰
o靚模艾美琦（Amy）與芝娃娃狗女「寶寶」之間認真冤氣！事關作為狗主的Amy，雖然經常畀面色寶寶睇，但作為狗中「公主病」的寶寶亦從不示弱，雙方不停鬥法，奇樂無窮！Amy雖然口話「曳曳」，實則錫到佢燶：「我喺2015年5月左右開始養寶寶，開頭佢好抗拒我，仲唔肯食嘢，花咗好耐佢先當我係佢媽咪，成日嗲我，不過佢都有公主病嘅一面！如果我長時間唔喺屋企，佢就反轉間屋示威！我發脾氣鬧佢，佢仲匿埋入廁所，到我話『原諒你喇』，佢就好Happy咁跑出廳走來走去！」
Amy對於寶寶的「公主病」逆來順受，鬼叫寶寶有一招法寶咩！她說：「有段時間我經常去內地做嘢，惟有將寶寶擺喺契妹度寄養，契妹好鍾意佢，提出收養，我見自己成日唔喺香港就應承咗。點知有晚發夢寶寶衝埋嚟我度，第二日契妹就打嚟，話寶寶不停亂叫亂咬亂大小便，我去探佢，佢又乖番晒，咁我仲有乜可能同佢分開呢？」
