梁朝偉掛住開工 唔理老婆恩怨

梁朝偉、陳奕迅(Eason)及台灣女星張榕容昨日出席電影船上宣傳,眾人更即席調酒。正於上海拍戲的偉仔,日內便要啟程到北京為另一部電影開工,未能為本月八日生日的太太劉嘉玲慶祝,禮物也只能後補。

對於嘉玲與關之琳鬧意見,偉仔表示睇新聞才知,太太沒有告訴他,故無從安慰,亦沒有被嚇到。談到關之琳有意復出拍戲,問他可有興趣合作?偉仔謂:「拍戲好難講,係緣分,冇得刻意安排,唔係想做個角色就去做。」

Eason 讚唱得好

Eason與偉仔一動一靜,在片場是否都由Eason主動撩傾偈?Eason笑謂:「大家都專注套戲,反而拍完就熟絡咗,有傾吓,佢又鍾意聽歌,我又鍾意睇戲。(嘉玲話偉仔好大面子,搵到你錄電影歌曲demo!)其實嗰日因為我錄先,監製王家衛就話偉仔未到,不如我唱住先,佢都唱得幾好聽,好有感情呀!」提到太太徐濠縈與何超儀不和,Eason表示事情已過去,不需要再講。

至於戲中與金城武有親吻戲的榕容,對被指把男神搶走感不好意思,又大讚金城武很和善及搞笑,她甚至試過笑足兩分鐘才能再拍攝。