三冠Kellyjackie耍雙節棍領悟人生
歌手Kellyjackie（陳曉琪）去年在一個武術比賽連奪三個雙節棍項目冠軍，坦言當年隨一位女藝員上武館，即興跟師傅劉萬梁試玩，結果展開武術之旅：「好神奇，一玩就玩咗四、五個鐘，自此玩上癮！一收工就去練習，即使依家每個星期都會練一、兩日。」達到藍帶Level的她暫未有時間再考帶。
回憶當初玩雙節棍，Kellyjackie自言正值事業低潮，從耍棍中學懂放鬆：「咪以為握得實就會耍得好，其實雙節棍愈放鬆愈易掌握，好似做人一樣！依家唱片巿道唔好，做歌手團火間歇性會有影響，要放鬆心態去面對。」耍棍達人可以左右手耍到出神入化，但她笑言暫未可以：「右手一個動作可能做百幾次就得，但左手可能要花多幾倍時間，耍棍時仲要眼神、功架同力量等配合，將氣勢去到另一個層次。」
Kellyjackie記得學耍棍三個月後，師傅鼓勵她參賽，還送上一支刻有她的名字與「百折不撓」四個大字的雙節棍：「師傅話過耍雙節棍要永遠比今日嘅自己進步，唔係要同其他人比，唔學唔練就唔會識。」
