迪子趕出門冇帽唔掂
歌手迪子的衣櫃除擺滿衫、褲及裙外，還塞滿帽及首飾，當中極少黑色衣物，偏愛白色或鮮色衫的她說：「我比較鍾意設計簡單嘅衫、褲，多數都係闊衫、長裙或三、四個骨嘅闊褲，因為呢啲款好易襯又啱我style。」至於買下大量帽子，她笑言帽是其「飛佛」，皆因趕時間出外工作又來不及到髮型屋整頭時，一頂帽就是她的「救星」：「梳兩梳個頭，再笠頂帽，唔使一分鐘就可以出街，方便快捷又有型。」
迪子指除帽外，也愛戴款式獨特的飾物，因為一件飾物可以令同一款衫變得不一樣，而她揀選的飾物多以設計得意、特別為重點：「好似我呢個有髹漆嘅頸鏈就好鍾意喇，我啲飾物大部分都係本地設計師嘅作品，有時想獨一無二，我就會自己買材料親手整，好似拍《舌尖有毒》MV時，我帶住嗰條玫瑰花頸帶，就係我喺深水埗買材料自己整嘅。」迪子因怕香港人多擠迫，故極少在香港行街買衫，多數會在網上訂衫或每季飛往日本或韓國入貨：「唔喺香港買衫，少咗機會撞衫外，韓國啲衫又平又靚。」
