黃心穎嘆聖誕孤寂

藝人黃心穎、陳智燊與太太宋熙年昨日出席Larry Jewelry俊文寶石店中環旗艦店一周年誌慶。 心穎晒事業線性感亮相，笑言因為頸鏈很長，特選低胸裙作配襯！她佩戴近百萬元鑽飾，自認儲有不少首飾：「有男仔送過頸鏈、戒指畀我，唔係名貴嘅，但係戴住感覺好close，我係『首飾控』買咗好多首飾，最貴係一隻20幾萬嘅手錶，我唔係富婆，儲咗好耐錢，諗咗好耐最尾忍唔住當獎勵自己、氹吓自己！」對於岑麗香（香香）宣布婚訊，心穎已恭喜對方：「近來好多喜事，好似自己執輸咁，我要加把勁。」她大嘆聖誕冇人約，既孤獨又凍，卻說：「可能好快有呢，閃婚都話唔埋o架，新世代，唔使咁傳統。」