雷林靜怡餐廳爆喊惹婚變誤會
九巴後人雷兆光太太雷林靜怡（Jane）出席活動時，自爆15歲大仔已到美國讀書，因為不捨得囝囝，在餐廳食飯時她爆喊個幾鐘，雖然獲老公從旁安慰，但侍應誤會二人鬧交婚變，令她十分尷尬。
雷兆光與太太雷林靜怡及兩位女兒、戴尚安（Sean）、艾永玲與兩名女兒等前晚出席慈善聖誕頌歌匯演，雷兆光更獻唱聖誕歌。提到兩名女兒感情要好，Jane表示兩女甚少爭玩具。問到要湊三名子女分別是15歲的大仔、12歲及10歲的女兒是否辛苦？Jane說：「之前大仔反叛令我覺得辛苦，依家已經冇事，佢亦去咗美國波士頓讀寄宿學校，所以佢好珍惜同家人相處嘅時間。」
望兒子懂中國傳統
兒子到美國讀書，Jane直認不捨：「喊到死，第一日我同老公送佢去學校，之後去食飯坐喺餐廳我係咁喊，食食吓又喊，喊咗個幾鐘，侍應以為我哋鬧交婚變，尷尬放低嘢就走，我後尾有解釋我哋冇嘢！」雷兆光表示有安慰老婆，但老婆太掛住兒子，聖誕決定赴美探子，首次不在港過聖誕。Jane又說日日都與兒子通電話：「學校教佢學術，品德要我哋教，想佢中國啲，要有禮貌。我過年同生日會斟茶畀奶奶飲，奶奶冇要求，但我同佢都開心，小朋友見到都會學。」她希望將來兒子的女友要懂中國文化，是否洋女友就順其自然。
擔任司儀的Sean於13日在中環舉行視覺藝術慈善籌款展覽，他說：「上年個相展搵Jennifer（謝婷婷）同Gaile（樂基兒）參與，咁快就一年！我之後會去非洲旅行，今年屋企人都會返嚟香港過。」又說還未買聖誕禮物給女友，之後會去買。
文：名人組