小冰退會寸陳法蓉似曱甴
前港姐梁小冰、何浩文、袁嘉敏等前晚出席首映禮，小冰早前與陳法蓉在慧妍雅集活動上為一件外套發生爭執，她表示決定退會，並已發了電郵通知，因為覺得有陰影及壓力，亦以免下次因儀容而被人話。問到陳法蓉有否道歉？她直言對方至今仍覺得無問題，是一場災難，事件其實好易處理。她又說：「佢為面子又好，咁樣同我開拖，喺細面前有個下馬威，佢揀錯對象，做咗呢場戲收唔到科，我畀個台佢落番落嚟，我退出，始終人哋地頭，尊重番佢，佢可以喺佢平台繼續做戲，呢個係圓滿解決方法。」
她表示曾想過找德高望重兼中立的牧師斡旋，但大家要時間冷靜。問到解決前同場都不去？她表示：「一般見唔到佢，我會驚驚，遠遠見到佢，好似隻曱甴咁，快啲掉頭走。（係咪朋友？）朋友都有分層次，未算係朋友，但唔係敵人。」另外，身為慧妍雅集信託委員會主席的前港姐楊婉儀表示已經收到小冰的電郵，在她記憶中未遇過有人退會，所以會跟內部指引程序做。另外，曾因拍電影傳不和的何浩文與袁嘉敏同場，但袁嘉敏拒絕合照。
