黃德斌出拳打監製
藝人黃德斌、朱智賢（Ashley）及陳婉衡（Alycia）等，昨日到將軍澳出席「六福珠寶呈獻：《天與地》」記者會，德斌笑言想「打監製」，他說：「多謝佢安排艱辛任務畀我！下次準備時間多啲，我想挑戰更高海拔山峰。（唔怕再有高山反應？）準備充足就唔會有。（想《天》攞最佳特備節目？）冇諗呢啲，今次完成咗好想做嘅嘢！（想攞視帝？）有提名已經OK。」
Ashley則透露被封「喊包」：「今次天坑之旅，我正式成為喊包，我驚觀眾嫌我煩！（驚網民用你喊樣做萬能Key？）我個喊樣的確可以Key落好多嘢度，但即使再去多次，我都會喊，因為真係好驚！」Alycia則說：「Ashley喊樣好得意，似BB！」
