娛圈「處女黨」成員買少見少，有另一半齊齊「退黨」，傷透不少宅男的玻璃心，究竟如何將「神級處女」追入手？
李亞男
必殺技：雖然矮過李亞男成個頭，但「矮仔多計」嘅祖藍出名口才了得、幽默又風趣，成功打破李亞男芳心！祖藍吸金力強勁，出手闊綽豪擲一億送豪宅氹老婆開心，魅力如何抵擋！
鍾嘉欣
必殺技：任職脊醫嘅Jeremy為TVB前行政主席梁乃鵬的姪兒，長居加拿大可謂與當地出世嘅鍾嘉欣同聲同氣，難怪嘉欣親撰千字文報喜訊時公開讚老公成熟穩重兼充滿愛心，加上一樣鍾意小朋友，啱晒合尺！
陳凱琳
必殺技：47歲嘅鄭嘉穎夠晒成熟穩重，令年輕22年、只得25歲嘅陳凱琳找到安全感，深深被嘉穎嘅男人味吸引。鄭嘉穎演技出色又係視帝，做過歌手出唱片，閒時又鍾意打網球，運動型男加晒分。
岑麗香
必殺技：有傳是國際金融集團高層的強強身高六呎兼擁有一副帥臉，加上強勁臂彎、胸肌與一身古銅膚色，試問誰能抗拒？兩人亦同聲同氣，半中半英交談，又有共同信仰，女神就此被私有化。
王君馨
必殺技：王君馨與圈外男友Daniel分隔兩地多年但仍能保持十一年的拍拖關係，可見他夠晒長情專一。同為基督徒嘅佢哋成為對方嘅心靈伙伴，君馨又愛男友孝順家人，近日終於退黨嫁人。