張名雅諗定叫BB做「菜心」
近日港姐、華姐連環有喜訊，除了香香與王君馨嫁得外，港姐冠軍張名雅亦宣布懷孕。昨日她與朱晨麗、文凱玲等出席《十二月星辰》活動，身形雖仍窈窕，但腹部開始微隆。佗BB已三、四個月的名雅透露知道BB性別：「想保持神祕先，預產期都唔透露住，男仔女仔都開心。（諗定個名？）未！乳名就諗緊，我老公姓蔡，女嘅可能叫『菜心』，男嘅就叫『菜式』，都係啲搞笑名。」
另一港姐冠姐朱晨麗被問到有否異性約過生日，笑言仍守齋：「今晚約咗班同屆港姐食飯慶祝，全部都係女仔。（唔心急拍拖？）隨緣啦！」同場的文凱玲透露最近簽了無綫藝員合約，但經理人仍是王晶，希望有機會拍古裝劇。