Clara全裸驚被殺！
擁有強勁「胸」器的韓國女星李成敏（Clara）早前接受本報專訪時，表示需要視乎劇本及角色才決定會否全裸上陣工作，而現年31歲的她還透露鍾意活躍運動型男孩，希望40歲前覓得真命天子結婚！
被譽為「全球第二美女」的韓國女星李成敏（Clara）頻頻現身香港掘金，她早前出席瑞士天梭表活動後接受本報專訪，開心透露曾為內衣品牌設計內衣系列，首次擔任設計師的她，寄望日後可有機會成立自家品牌，她說：「嗰次係我第一次嘗試設計，我仲學緊，希望日後有機會成立自己嘅品牌，呢個係我嘅夢想，不過我需要學習多啲同攞多啲經驗先，我諗幾年後啦！」
頸長可以「增高」？
對於外界大讚她擁有美好身段及驕人的「胸」器，她笑言太多人將目光投放在其胸部上，故當天穿着高領服裝影相，並着大家看看她的樣貌，又分享最喜歡及不滿意身體哪個部位。她說：「我最喜歡自己嘅長頸，但我發現冇人講過我條頸，其實我條頸係幾長(口架)！所以令到我個人都高啲，不過我就唔滿意對腳，我想對腳長啲。」
拆解不瘦胸之謎
談及如何瘦身不瘦胸，Clara竟自言其胸部很細小，隨後大方分享保持身材玲瓏浮凸的貼士，她說：「我專注做有關腰同埋Hip（臀部）嘅運動，減到腰嘅脂肪就會好似我咁睇起上嚟好瘦同有曲線，不過大家要知道自己想減身體邊部分先係最重要。」
百變戲路 學功夫做打女
至於在工作上的性感底線可否全裸上陣？Clara笑言如全裸工作，必會被父母殺死：「佢哋成日同我講唔可以裸體做嘢，我就要睇吓係咩工作，但我父母就一定係唔鍾意㗎啦！（你接受到？）我覺得好睇角色、劇本。（角色好就可以？）我暫時都未知道，我覺得要好小心，真係好難落決定！」又稱希望日後可嘗試拍不同種類的電影，現階段正學打功夫，希望做打女！
單身寂寞 想搵男友做……
談及感情狀況，年屆31歲的Clara表示仍是單身，並大感寂寞，現在更公開其擇偶條件，她說：「我鍾意活躍嘅人，咁就可以一齊做運動。（鍾唔鍾意香港男仔？）佢哋心地好好，我覺得幾好。（有冇定下結婚計劃？）我會想喺40歲前結婚，不過依家想專注做嘢先，我想40歲前嘅人生都會係充滿戲劇、電影。」又稱現時較多時間留港及在內地工作。
文：名人組