Hana多齒症復發

年輕女歌手Hana、JW昨日出席飲食業安全活動，日前30歲生日的Hana大呻百病纏身，首先是早前身在北京時發燒要吊鹽水，現時又有扁桃腺發炎搞到面和頸腫，最近「多齒症」更復發：「我依家上面啲牙肉腫晒，因為開始生牙，佢生完一隻就會自己甩，Keep住生一年，但啲牙唔係普通牙，係好似殭屍牙。」她謂此病大約十萬人就有一個患上，現時只能食流質食物。至於JW的家姐下月26日結婚，問到首次擔任伴娘的她，陪家姐試婚紗時可有衝動結婚？被指與連鎖化妝店太子爺Tarzan拍拖的她即扯開話題：「見到家姐試婚紗好戥佢開心。（但你冇衝動？）要嚟嘅就會嚟。」