袁偉豪：想追番岑杏賢！
最近與女友岑杏賢分手的袁偉豪昨日出席活動，揚言想翻撻女方：「我內心係想追番佢！」希望以真誠打動岑杏賢的他表示會在聖誕前盡力箍煲。
袁偉豪（Ben）昨日到紅磡出席聖誕商場活動。最近與岑杏賢（Jennifer）分手的他被問是否準備過寂寞聖誕節？他坦言屆時會北上拍無(線)新劇《使徒行者2》，平安夜則返港出席活動。問會否抽時間見Jennifer？他指會傳短訊祝福對方：「都係咁過啦。」並自爆與對方度過三次聖誕節，其中一年他更患上急性腸胃炎，幸得對方陪伴在側。
擔心冇時間買禮物
雖然Ben表示打算適應單身生活，但亦講到明想箍煲：「我內心係想追番佢！但需要時間同誠意重建信心。」他坦言會與異性有適當避忌，並關注Jennifer感受。問他會否在聖誕前發力？他說：「發力？盡力啦！但都冇咁多時間香港，聽日都上深圳開工，聖誕禮物都未必有時間準備。」事後記者聯絡Jennifer，對於袁偉豪想翻撻的言論，她只說：「我哋依家係朋友，感情事隨緣，多謝關心。」
龔嘉欣被屈無限次
另外，龔嘉欣（Katy）昨日出席另一聖誕活動，提到她被指成為Ben和Jennifer之間的一條刺，嘉欣指二人都因她無辜捲入事件而感到不好意思，Jennifer更三度向她致歉。嘉欣說：「我同袁偉豪除工作見面外，私下都唔會見面同聯絡。」她自嘲已「被屈無限次」，揀「真命天子」會更加謹慎，謝絕不必要約會。
文：影視組