定欣 展鵬 預告「大滿貫」即錫！

陳展鵬與胡定欣繼新加坡《星和無綫電視大獎2016》後，前晚在《TVB馬來西亞星光薈萃頒獎典禮2016》再奪視帝視后，再下一城，二人昨日與李佳芯、王君馨、唐詩詠及岑麗香等陸續返港，當中定欣與展鵬各自獲近廿位粉絲接機。展鵬的粉絲舉牌大嗌口號恭賀：「恭喜視帝！恭喜視帝鵬！」問到下月台慶頒獎禮贏出再奪視帝后便完成「大滿貫」，定欣說：「當然希望！」講到二人前晚不聽司儀鄭裕玲指示咀嘴，展鵬笑說：「拍劇都成日錫，如果香港都有咁好成績嘅冇問題。（定欣肯唔肯？）邊到佢唔肯，唔通報警咩！（綵排吓？）我哋專業嘅，一埋位就嚟。」定欣笑言要趁機拉票，問到若劇集歌也「大滿貫」會否咀夠兩次？展鵬說：「可以傾吓，我哋嘅終極目標係香港嘅頒獎禮。」當問定欣若三度封后會否公布戀情？她即說：「冇，到時咪知，投咗我哋票先！」