猷君女友CoCo見家長 四太唔急娶新抱
組合少女標本昨日出席日本時裝品牌活動，並即場行Catwalk。Jessica和CoCo是首次行騷，問到可擔心發生蝦碌事？Jessica笑說：「唔敢諗，希望呢啲事唔會發生喺我哋身上啦！」有行騷經驗的Kabby則自爆首次行Catwalk時曾過於緊張而忘記擺甫士。
CoCo最近被爆與何鴻燊四房兒子何猷君拍拖，提到聖誕佳節將至，她透露已準備禮物：「準備咗啲男仔鍾意嘅嘢，唔講你哋知，講咗冇Surprise！」問到猷君可有帶她見家長？她說：「唔知呢！自己冇乜所謂，我哋都喺外國大，冇特別呢個文化。（平時有食吓飯？）都有嘅。」她又指現時與男友感情穩定，亦有帶過男友見兩位好姊妹。另一邊廂，四太透露已見過CoCo，問到印象如何？她說：「我對佢（猷君）所有朋友印象都好好。（想佢做新抱仔？）咁快？猷君依家仲創緊業，結婚嘅嘢慢慢嚟。」