吳卓林靠自己 從未聯絡成龍

藝人吳綺莉女兒吳卓林、郭秀雲及兒子龐景峰等昨日出席象義慈善跑活動，吳卓林被問到生父成龍成立基金給兒子房祖名管理，她會否介意和不快？卓林說：「我冇乜所謂，未聽過，依家先知，我覺得自己做好自己嘅嘢，我同媽咪照顧自己，靠自己。」繼又透露從未與成龍聯絡過，小時候都會羨慕同學有爹哋照顧，現在不會：「生出嚟係咁，冇必要捉住唔放，唔開心都冇用。」
吳卓林
吳卓林

想媽咪有個伴

卓林2018年畢業後就升大學，透露想休息一年才出國再讀：「英國、美國、加拿大，我唔揀擇，最緊要睇間學校嘅學科，我想讀哲學，因為我鍾意睇書。」又說現時注重學業，沒特別想去拍拖，坦言希望媽咪可以找到伴侶：「想佢有人照顧，有人陪佢梗好，我驚我去咗讀書，佢會寂寞，或者佢陪埋我去讀書都得。（媽咪有冇追求者？）我真係唔知，佢冇乜同我講。」

郭秀雲、龐景峰
  • 郭秀雲、龐景峰