張頴康攞飛躍 哭謝老婆成全

頒獎禮上其中兩大獎項「最喜愛TVB飛躍進步男、女藝員」，分別由張頴康與劉佩玥奪得。張頴康上台領獎時開心落淚，坦言入行十六年間，每年都睇頒獎禮卻沒機會到場：「我今年有！六年前我想成家室但唔夠錢，離開TVB做文員，每一日中港兩邊走，但有一日發生車禍！之後我諗如果我死咗會有乜嘢遺憾，我都會唔甘心，所以同老婆講想返TVB拍劇，老婆話：『繼續發你嘅夢！屋企我頂，錢嘅嘢唔使理！』。」隨即連聲多謝太太麥雅緻，還高呼「老婆我永遠愛你！」場面感動。而劉佩玥甫上台已喊晒口，直言因張頴康「開咗水喉」，自己也忍不住落淚。