蔡思貝超Deep V讓半球贏晒
昨晚馬來西亞「星」光薈萃，一眾TVB花旦爭妍鬥麗，早在台慶夜罕有谷胸上陣的思貝繼續「出力谷」，身穿性感紫紅Deep V晚裝成「峰」頭躉，難怪拜神時已事先張揚：「自己未試過咁着，出埠呀嘛！」至於唐詩詠以一襲黑色Deep V紗裙示人，大玩若隱若現感覺，身材顯得更豐滿，她說：「條裙係俄羅斯裙，女仔見到靚都想着！（畀洪永城過目？）冇！自己想着咪着囉！嚇親佢咪最好！」
另外，身穿深藍Tube Dress的岑麗香晒「香」肩，近日明顯消瘦的她手腳猶如火柴，但胸前仍有睇頭，她說：「平時着開公主裙，今晚轉個成熟少少嘅打扮！晚裝一係騷上一係騷下，今次我係騷上面。」而黃智雯亦晒線上陣，擔任司儀的朱智賢亦谷胸示人。
