邱美薇被開價三萬九包一星期
曾客串無綫處境劇《愛．回家之八時入席》的藝人邱美薇，昨日在社交網自爆最近收到男性下體照，還不斷收到具挑逗的訊息，稱她做「女王」，還問她：「可以做我主人嗎？」更有一名叫Alvan的人私訊她，並出價5,000美元（約39,000港元）想包她一個星期，陪行街食飯，薇薇將對方的訊息公開，留言：「邊度有咁大隻蛤乸隨街跳啊，行街食飯Only？」面對這些變態留言，她表示無奈只能刪除，並將對方列入黑名單：「報警都冇用，唔會受理，反正呢啲人又會再用另一個名開戶口。」
女網友聲稱上當
薇薇表示新歌《不死扇》推出後多了粉絲關注及follow她的社交網，但同時亦發現收到一些變態相，她說：「以前真係冇收過，世界真係有啲無聊人，我首歌又唔係咩變態，平日又好少甫性感照，惟有多謝大家支持。」對於被出價「包」一星期，她指將訊息公開後，引起很大回響，更有模特兒朋友聯絡她，指同一個人曾經留下同樣「包」價訊息，她說：「仲有一個女網民私訊我，佢話我知畀呢個男人搞咗，但收唔到錢，我叫佢報警，佢話唔係想拉佢，只係想攞番錢，想叫我引佢出嚟，然後去追錢。我冇理佢，只能建議佢去報警。」
文：音樂組