李菁瞄準心水男等人追
前亞姐李菁去年重返娛樂圈，工作不斷，近期更挑戰自己，接拍古裝劇飾演太極高手，多年來外形零走樣的她，直言有追求者，但她對另一半有要求，暫未有人能成功獲得芳心！不過，李菁笑言最近拍劇有位演員符合要求，又笑言不會做主動，一切等上天安排！
87年亞姐亞軍李菁為照顧家人曾息影十年，去年重返娛樂圈，由於外形Keep住靚，加上人緣好，獲得不少朋友幫助，短短一年間已拍了四部網劇，最近，她更接了一部內地古裝電視劇《太極魂》，該劇日前於橫店開鏡，李菁、導演沈火新、內地藝人周墨、王沁宜、薛江韜、陳王廷等出席拜神儀式，適逢沈導生日，劇組特別為他慶生！
外表斯文柔弱的李菁，首次接拍太極功夫片，飾演隱世太極高手，她很喜歡這個角色，對她來說是個很大的挑戰：「我身體比較弱，除咗游水之外，好多運動都做唔到，今次演太極高手，可以練功夫強身健體，對我嚟講真係非常好。（新劇要策騎？）係呀，我都鍾意策騎，都鍾意吊威吔，好好玩。」
擇偶條件拒降低
多年來鮮有談感情事的李菁，早年曾受情傷，經過長時間的心理重整，總算放下，期待新的感情來臨：「之前真係傷得好厲害，同拍拖十二年嘅男朋友因為種種原因唔能夠一齊，頭兩年我收埋自己，依家總算放低咗，希望有新嘅來臨！但我寧缺勿濫，咁多年嘅要求唔會將就或改變，總之要靚仔、高大威猛同埋有經濟基礎，但唔需要好有錢。依家拍劇有一個演員都幾啱我嘅要求。（邊個呀？）唔會講，我亦唔會主動，感情嘅嘢我寧缺勿濫，相信上天自有安排，好似鍾麗緹咁，我覺得只要做好自己，好姻緣自然會嚟！」李菁還跟有份參演該劇的劉永、煒烈、區靄玲等食飯敍舊，大家談得十分開心。
文：影視組